چاند

چاند

قریب آؤ بیٹھو میرے پاس

میرے چپ دوست

مجھے دو

چیتے کا نقرئی داغ دار بدن

برفیلی رات میں دبا ہوا

جو تمہاری گود میں ہے

مجھے سکھاؤ دو لفظ

ہسپانوی چینی پرتگالی

اخلاص کے وہ سبز لفظ

جو تم نے سنے ہیں

اپنی چاندنی میں خوف پا گزرے ہوؤں کی

امانت کی طرح

جذب کر لیے ہیں

مجھے دو

عورتوں اور نظموں کے بدن

کہ جوان ہوتے ڈھلتے رہے ہیں

تمہارے چرخے کے سوت کی طرح جو تم

میرے اور میری دنیا کے بچپن سے

آج تلک

کاتتے رہے ہو

آئندہ بھی کاتو گے

chand

qarib ao baitho mere pas

mere chup dost

mujhe do

chite ka nuqrai dagh dar badan

barfili rat mein daba hua

jo tumhari god mein hai

mujhe sikhao do lafz

haspanwi chini purtugali

ikhlas ke wo sabz lafz

jo tum ne sune hain

apni chandni mein khauf pa guzre huon ki

amanat ki tarah

jazb kar liye hain

mujhe do

auraton aur nazmon ke badan

ke jawan hote dhalte rahe hain

tumhare charkhe ke sot ki tarah jo tum

mere aur meri duniya ke bachpan se

aj talak

katte rahe ho

ainda bhi katoge