وہ پیڑ اب کٹ گیا ہے

وہ پیڑ اب کٹ گیا ہے

جس کے تلے جوانی کے گرم لمحوں کو ٹھنڈے سائے ملے

جو اک موڑ کا نشاں تھا

جہاں سے ہم اک نئی جہت کو چلے تھے

اب وہ نشان بھی مٹ گیا

وہاں کولتار کی اک سڑک ہے

جو گرمیوں میں پگھلی ہوئی سی رہتی ہے

آدمی بھی پگھل رہا ہے

وہاں پر اب موٹروں کا دریا سا بہہ رہا ہے

اور ان کے پیچھے دھوئیں کے پردے پڑے ہیں

کوئی نہ ان کو پہچان پائے

اک شور ہارنوں کا بپا ہے

کوئی نہ سن سکے چہچہے پرندوں کے

ابتری ہے

مگر میں اک چاپ سن رہا ہوں

وہ چاپ جیسے کوئی بہت دور جا چکا ہے

wo per ab kat gaya hai

jis ke tale jawani ke garm lamhon ko thande sae mile

jo ik mor ka nishan tha

jahan se ham ik nai jihat ko chale the

ab wo nishan bhi mit gaya

wahan koltar ki ik sarak hai

jo garmiyon mein pighli hui si rahti hai

admi bhi pighal raha hai

wahan par ab motaron ka dariya sa bah raha hai

aur un ke pichhe dhuen ke parde pare hain

koi na un ko pahchan pae

ik shor harnon ka bapa hai

koi na sun sake chahchahe parindon ke

abtari hai

magar main ik chap sun raha hun

wo chap jaise koi bahut dur ja chuka hai