اپنے دل کی قوس قزح کے

اپنے دل کی قوس قزح کے

ٹکڑے ٹکڑے کر کے میں نے

لمحہ لمحہ رنگ بکھیرے

سورج کی ہر لحظہ برستی آگوں کو

اپنے ہی پگھلتے تن میں سمو کر

چاندنی جیسی اک ٹھنڈی چھتنار بنائی

بھوری دریدہ تن دھرتی پر

اشکوں کے بادل برسا کر

پیلی ہری چادر پھیلائی

اپنی نظر کی سنہری کرنوں کی بارش سے

مانگوں میں سیندور بھرا

میرے لہو کے میٹھے رس سے

جنم جنم کے پیاسے صحراؤں میں جل تھل

بھکشو آئے

مانگوں کے سیندور کو چاٹا

پیلی ہری چادر کو روندا

لمبے ناخنوں والے کھردرے ہاتھوں سے ٹھنڈی چھتنار پہ جھپٹے

پاک پوتر جل تھل میں کالے جسموں کی سیاہی گھولی

میرے دل کی قوس قزح سے زنجیروں کے حلقے ڈھالے

اب میں سمٹی آنکھ کی پتلی

apne dil ki qaus-e-quzah ke

tukre tukre kar ke main ne

lamha lamha rang bikhere

suraj ki har lahza barasti agon ko

apne hi pighalte tan mein samo kar

chandni jaisi ik thandi chhatnar banai

bhuri darida tan dharti par

ashkon ke badal barsa kar

pili hari chadar phailai

apni nazar ki sunahri kirnon ki barish se

mangon mein sendur bhara

mere lahu ke mithe ras se

janam janam ke pyase sahraon mein jal thal

bhikshu ae

mangon ke sendur ko chata

pili hari chadar ko ronida

lambe nakhunon wale khurdare hathon se thandi chhatnar pe jhapte

pak pawitr jal thal mein kale jismon ki siyahi gholi

mere dil ki qaus-e-quzah se zanjiron ke halqe dhale

ab main simti ankh ki putli