تیری تربت

تیری تربت

تیری آوازوں کا گنبد

ایک وظیفہ

جس سے گنبد کا پوشیدہ در کھل جاتا

بھول گیا تھا

اس کی خاطر جانے کتنے ویرانے اور کتنے بسیرے میں نے چھانے

پر وہ مقدس پاؤں کی مٹی نہ مل سکی

جس کو اس مورت پر ملتا

تو تیری ہی آواز نکلتی

تیری چاند سی آوازوں پر

پتھر جیسا بادل

برس برس کر گھل جاتا

تو چاندنی میرے بھیتر کی بھسمانے والی آگ بجھاتی

میرا جسم بھی

تیری آوازوں کا مرقد

اندر اک طوفان تھا

آوازوں کے شعلے چٹخ رہے تھے

باہر

ہو کا عالم

تیری آوازوں میں رنگ تھے

میٹھے ٹھنڈے اور رسیلے

میری آوازوں میں چیخیں

تیری آوازوں کے رنگ میں جنگل جنگل ڈھونڈ رہا تھا

آنکھ اٹھا کر دیکھا

تو تیری ہی آوازوں کے رنگ ہیں

جو آکاش پہ بکھرے پڑے ہیں

teri turbat

teri awazon ka gumbad

ek wazifa

jis se gumbad ka poshida dar khul jata

bhul gaya tha

us ki khatir jane kitne wirane aur kitne basere main ne chhane

par wo muqaddas paon ki mitti na mil saki

jis ko is murat par milta

to teri hi awaz nikalti

teri chand si awazon par

patthar jaisa badal

baras baras kar ghul jata

tu chandni mere bhitar ki bhusmane wali ag bujhati

mera jism bhi

teri awazon ka marqad

andar ik tufan tha

awazon ke shole chatakh rahe the

bahar

ho ka alam

teri awazon mein rang the

mithe thande aur rasile

meri awazon mein chikhen

teri awazon ke rang mein jangal jangal dhund raha tha

ankh utha kar dekha

to teri hi awazon ke rang hain

jo akash pe bikhre pare hain