یہ سمندر

یہ سمندر

موج در موج سلاسل

ہلکے گہرے سبز نیلے رنگ

جن پر جا بہ جا چاندی کے دھبے

اس کنارے پر گلابی رنگ میں ڈوبا ہوا اک گول چہرہ

پھیلتے پانی میں اپنے آتشیں ہونٹوں کی سرخی گھولتا جائے

میں اک سونے کی کشتی میں سوار

ان حسیں رنگوں میں مدہوش

اس کنارے کی طرف بڑھتا چلا جاتا ہوں

دور سطح آب پر وہ ایک بگلوں کی قطار

یہ سمندر کے رشی گیانی

جو پانی کے ہر اک سر تال سے آگاہ ہیں

اب تک یہ بے فکری سے موجوں پر سوار

تیرتے جاتے تھے

کیوں پھر دفعتاً

ٹولی بنا کر اڑ گئے

میں نظر کے تار پر رقصاں

وہ نغموں کے سروں میں گم

ye samundar

mauj dar mauj salasil

halke gahre sabz nile rang

jin par ja ba ja chandi ke dhabbe

us kinare par gulabi rang mein duba hua ik gol chehra

phailte pani main apne atishin honton ki surkhi gholta jae

main ik sone ki kashti mein sawar

un hasin rangon mein madhosh

us kinare ki taraf barhta chala jata hun

dur sath-e-ab par wo ek bigulon ki qatar

ye samundar ke rishi giyani

jo pani ke har ik sar tal se agah hain

ab tak ye be fikri se maujon par sawar

tairte jate the

kyun phir dafatan

toli bana kar ur gae

main nazar ke tar par raqsan

wo naghmon ke saron mein gum