پانی پانی

پانی پانی

ہر سو پانی

پانی بے ہیئت بے صورت

ساغر میں ساغر بن جائے

پھولوں پر یہ شبنم

آنکھوں میں یہ آنسو

اڑ جائے تو بادل

بہہ جائے تو دریا

پھیلے تو اک ساگر

پانی بے ہیئت بے صورت

پانی

دیوتاؤں کا ایک مقدس رس ہے

زیست کا بہتا دھارا

چاندی کی کشتی کا جھولا

میں بھی پانی

ندی بن کر بہتا جاؤں

سخت چٹانوں کا دل چیروں

دھرتی کے ہاتھوں پر ریکھا کھینچوں

pani pani

har su pani

pani be haiat be surat

saghar mein saghar ban jae

phulon par ye shabnam

ankhon mein ye ansu

ur jae to badal

bah jae to dariya

phaile to ik sagar

pani be haiat be surat

pani

dewtaon ka ek muqaddas ras hai

zist ka bahta dhara

chandi ki kashti ka jhula

main bhi pani

nadi ban kar bahta jaun

sakht chatanon ka dil chirun

dharti ke hathon par rekha khinchun