کہہ دیا یوں ہی بے وفا مجھ کو

کہہ دیا یوں ہی بے وفا مجھ کو

بات آخر ہے کیا بتا مجھ کو

رونقیں گم ہیں میرے چہرے کی

روز کہتا ہے آئنہ مجھ کو

ٹوٹ کر شاخ سے بکھرنا ہے

گرم لگتی ہے اب ہوا مجھ کو

چار دن میں ہی تھک گئے تھے قدم

پھر ملا غم کا آسرا مجھ کو

دل جو ہارا تو پھر بچے گا کیا

زندگی اب نہ آزما مجھ کو

ڈھنگ کا کچھ نہ وہ بنا پایا

عمر بھر چاک پر رکھا مجھ کو

ہاتھ میں قید ہے سمنؔ قسمت

روٹھنے تک گماں رہا مجھ کو

kah diya yun hi be wafa mujh ko

bat akhir hai kya bata mujh ko

raunaqen gum hain mere chehre ki

roz kahta hai aina mujh ko

tut kar shakh se bikharna hai

garm lagti hai ab hua mujh ko

char din mein hi thak gae the qadam

phir mila gham ka asra mujh ko

dil jo hara to phir bachchega kiya

zindagi ab na azma mujh ko

dhang ka kuchh na wo bana paya

umr bhar chak par rakha mujh ko

hath mein qaid hai saman qismat

ruthne tak guman raha mujh ko