سحر کے وقت

سحر کے وقت

کنواری زمین شبنم میں نہا کے لیٹی ہے

وہ سبز چادر گل تاب

عارض مہتاب

خمار خواب کا عالم

وہ انتظار کا عالم

کہ دور دیس سے جیسے

کبھی تو آئے گا

وہ دور دیس سے سورج کا دیوتا آیا

اور اپنی تیز نگاہوں سے گدگدی کرتا

وہ جوف الارض کے نصف النہار پر پہنچا

زمیں پہ خوف کی اک زرد لہر سی پھیلی

مگر وہ سبز سا جادو کنواری دلہن کا

فضا پہ چھا ہی گیا اک خمار کا عالم

اتر گیا ہرے شیشے میں دیوتا آخر

وہ شام لمس دھندلکا

لبوں کا رنگ لبوں میں گھلا

حسین تھا منظر

لذیذ تھا لمحہ

ہوا کی انگڑائی

اور اس کے بعد بھیانک ہوا کے زناٹے

sahar ke waqt

kunwari zamin-e-shabnam mein naha ke leti hai

wo sabz chadar-e-gul tab

ariz mahtab

khumar khwab ka alam

wo intizar ka alam

ke dur des se jaise

kabhi to aega

wo dur des se suraj ka dewta aya

aur apni tez nigahon se gudgudi karta

wo jauf alarz ke nisf alnnahar par pahuncha

zamin pe khauf ki ik zard lahr si phaili

magar wo sabz sa jadu kunwari dulhan ka

faza pe chha hi gaya ik khumar ka alam

utar gaya hare shishe mein dewta akhir

wo sham lams dhundalka

labon ka rang labon mein ghula

hasin tha manzar

laziz tha lamha

hawa ki angrai

aur is ke baad bhayanak hawa ke zannate