یہ آگ پانی ہوا یہ مٹی

یہ آگ پانی ہوا یہ مٹی

انہیں سے میرا خمیر اٹھا

انہیں میں تحلیل ہو نہ جاؤں

یہ آگ جو نور کا لہو ہے

جو میری رگ رگ میں موجزن ہے

اسی کی لو میں یہ میں نے دیکھا

مجھے پہاڑوں کی چوٹیوں سے بلند تر

نور کی پر اسرار سی اک انگلی بلا رہی تھی

میں اپنے بوجھل کثیف کپڑوں کو خون کی آگ میں جلا کر

ہوا کے مانند کوہساروں کی رفعتوں کی طرف بڑھا

آج کلا کوہ پر کھڑا ہوں

مرے اور انگشت نور کے درمیان اک جست فاصلہ ہے

اور اب زمیں کی کشش

جہاں مرگ کا سکوں ہے

مرے بدن کو بلا رہی ہے

جو لوٹ کر دیکھتا ہوں

ان گہری تیر و تار گھاٹیوں کی طرف

جہاں سے گزر کے ان چوٹیوں پہ پہنچا

تو ایسے لگتا ہے

گر میں اس خاکداں کو لوٹا

تو پھر پلٹ کے نہ آ سکوں گا

بس ایک ہی جست فاصلہ ہے

جو آج اس کو میں پار کر لوں

تو ابر بن کر برس سکوں

جس کے آب پارے

شجر شجر کی نمو کریں گے

صدف صدف میں گہر بنیں گے

ye ag pani hua ye mitti

unhen se mera khamir utha

unhen mein tahlil ho na jaun

ye ag jo nur ka lahu hai

jo meri rag rag mein maujzan hai

usi ki lau mein ye main ne dekha

mujhe paharon ki chotiyon se buland tar

nur ki pur asrar si ik ungli bala rahi thi

main apne bojhal kasif kapron ko khun ki ag mein jala kar

hawa ke manind kohsaron ki rifaton ki taraf barha

aj kala koh par khara hun

mire aur angishat nur ke darmiyan ik jast fasla hai

aur ab zamin ki kashish

jahan marg ka sakun hai

mire badan ko bala rahi hai

jo laut kar dekhta hun

un gahri tir-o-tar ghatiyon ki taraf

jahan se guzar ke in chotiyon pe pahuncha

to aise lagta hai

gar main is khakdan ko lauta

to phir palat ke na a sakunga

bas ek hi jast fasla hai

jo aj us ko main par kar lun

tu abr ban kar baras sakun

jis ke ab pare

shajar shajar ki numu karenge

sadaf sadaf mein guhar banenge