کل جو قبرستان سے لوٹا

کل جو قبرستان سے لوٹا

تو تنہائی کا اک بوجھ اٹھا کر لایا

ایسے لگتا تھا کہ میں بجھتا دیا ہوں

اور سب لوگ تماشائی ہیں

منتظر ہیں کہ مرے بجھنے کا منظر دیکھیں

ایسے لگتا تھا کہ ہر گام پر کھلتے دہانے ہیں

مرے جسم کو آغوش میں لینے کے لیے

زندگی دور کھڑی ہنستی رہی

قہقہوں کا اک سمندر

میری جانب موج در موج بڑھا

شب کا سناٹا

فلک بوس عمارات کے ڈربوں میں وہ ہلتے ہوئے سائے

جیسے مرگھٹ کا سماں ہو

راستے ناگ کی مانند دہانے کھولے

کہیں فٹ پاتھ پہ لیٹے ہوئے بے جان سے جسم

جن پہ کھمبے یوں کھڑے تھے

جیسے یہ کتبے گڑے ہوں

پھر اچانک وہ بریکوں کی کریچ

سرخ خوں کا ایک فوارہ

وہ اک کتے کی لاش

زندگی ایک طلسمات کدہ

جس کی دیواروں کی زینت کے لیے

لمحوں کی رنگی تتلیاں پتھر ہوئیں

kal jo qabristan se lauta

tu tanhai ka ik bojh utha kar laya

aise lagta tha ke main bujhta diya hun

aur sab log tamashai hain

muntazir hain ke mire bujhne ka manzar dekhen

aise lagta tha ke har gam par khulte dahane hain

mire jism ko aghosh mein lene ke liye

zindagi dur khari hansti rahi

qahqahon ka ik samundar

meri janib mauj dar mauj barha

shab ka sannata

falak bos amarat ke darbon mein wo hilte hue sae

jaise marghut ka saman ho

raste nag ki manind dahane khole

kahin fit path pe lete hue be jan se jism

jin pe khambe yun khare the

jaise ye katbe gare hun

phir achanak wo birekon ki karech

surkh khun ka ek fawwara

wo ik kutte ki lash

zindagi ek tilismat kada

jis ki diwaron ki zinat ke liye

lamhon ki rangi titliyan patthar huin