تو نے میرے دکھ کی خاطر

تو نے میرے دکھ کی خاطر

کتنے رنج سہے

اپنی گود میں تو نے مجھ کو

اپنے لہو کی چاندنی بخشی

میں اک چاند بنا

جس نے دھرتی سے یہ گھور بھیانک اندھیاروں کا خوف مٹایا

جب تو زینت ھجلہ بنی

تو نے اپنے خون کی آتش مجھ کو بخشی

میں اک سورج بن کر چمکا

جس کی دھوپ میں میری روح کا قیدی شاہیں

ناگ کے پھندے سے چھوٹا

تو جب آئی

میرے جگر کی ٹھنڈک بن کر

تو نے میری آگ پہ اپنے آنسو بکھیرے

میری آگ میں پھول اگے

میں اک شاعر

اپنے فن کی افشاں لے کر

تیری مانگ سجانے آیا

tu ne mere dukh ki khatir

kitne ranj sahe

apni god mein tu ne mujh ko

apne lahu ki chandni bakhshi

main ik chand bana

jis ne dharti se ye ghur bhayanak andhiyaron ka khauf mitaya

jab to zinat hajla bani

tu ne apne khun ki atish mujh ko bakhshi

main ik suraj ban kar chamka

jis ki dhup mein meri ruh ka qaidi shahin

nag ke phande se chhota

tu jab ai

mere jigar ki thandak ban kar

tu ne meri ag pe apne ansu bikhere

meri ag mein phul uge

main ik shayar

apne fan ki afshan le kar

teri mang sajane aya