مجھے پسند ہے کیوں میری شام تنہائی

مجھے پسند ہے کیوں میری شام تنہائی

یہ مجھ سے کوئی نہ پوچھے کہ میں بتا نہ سکوں

کہ اپنے آپ پہ مجھ کو بھی اعتماد نہیں

کسی نے جب بھی کوئی بات مجھ سے پوچھی ہے

دروغ مصلحت آمیز سے لیا ہے کام

کہا ہے اشک کو شبنم تو داغ کو لالہ

کبھی سواد شب غم کو نور کا ہالہ

میں اپنے خول سے نکلوں تو کس طرح نکلوں

ضرور ہوگی سر بزم میری رسوائی

دکھاؤں داغ عیوب برہنگی کیوں کر

میں سب کے سامنے ننگ وجود کہلاؤں

نہ ہوگی مجھ سے یہ لغزش مجھے معاف کرو

زمانہ اب بھی مجھے ہوش مند کہتا ہے

نقیب صدق و صفا حق پسند کہتا ہے

mujhe pasand hai kyun meri sham-e-tanhai

ye mujh se koi na puchhe ke main bata na sakun

ke apne ap pe mujh ko bhi etimad nahin

kisi ne jab bhi koi bat mujh se puchhi hai

darogh-e-maslahat amez se liya hai kam

kaha hai ashk ko shabnam to dagh ko lala

kabhi sawad-e-shab gham ko nur ka hala

main apne khol se niklun to kis tarah niklun

zarur hogi sar-e-bazm meri ruswai

dikhaun dagh-e-ayub-e-barahnagi kyun kar

main sab ke samne nang-e-wajud kahlaun

na hogi mujh se ye laghzish mujhe muaf karo

zamana ab bhi mujhe hosh mand kahta hai

naqib sidq-o-safa haq pasand kahta hai