سن رہا ہوں دیر سے دھیمی سی دستک کی صدا

سن رہا ہوں دیر سے دھیمی سی دستک کی صدا

کون ہوگا اس اندھیری رات میں

ہوگا کوئی

اجنبی راہی کی دستک تو نہیں

جو کسی پر ہول سائے کے لپکتے قہقہے کی گونج سے

بچ کے آ نکلا ہے میرے خانۂ تاریک تک

واقعی وحشت زدہ ہوگا اگر راہی کوئی

اس قدر محتاط سی آواز کیوں

اس قدر دھیمی سی چاپ

نیم کی شاخوں کے پیچھے اف یہ کوندے کی لپک

اور اڑتے ابر پاروں کی گرج

تیز رو آندھی کے قدموں کی یہ بھاری آہٹیں

تیز بارش کے ہیں آثار مہیب

بھیگ جائے گا کوئی

بند دروازے کو اب تو کھول دینا چاہئے

جانے پھر یہ کون اپنی سخت بانہوں میں

جکڑتا ہے مجھے

جانے کیوں رک رک گئے میرے عزائم کے قدم

کون ہے اس حجلۂ تاریک میں میرے سوا

جانتا ہوں مشرقی رخ پر تپائی کے قریب

شام کو جلتا رہا آہستہ بوسیدہ چراغ

اب وہاں تک جا سکوں گا کس طرح

سائبانوں سے پگھلتی بے کراں ظلمت کی رو

بڑھ گئی ہے توڑ کر سارے حدود

چیخ کر کس کو پکاروں کس کو میں آواز دوں

نیم کی لرزیدہ شاخوں میں گرجتا ہے افق

شور بڑھتا جا رہا ہے کیا کروں

اور وہ دستک کی دھیمی سی صدا

غالباً تا حشر ابھرے گی نہیں

کیا بھیانک رات ہے

sun raha hun der se dhimi si dastak ki sada

kaun hoga is andheri rat mein

hoga koi

ajnabi rahi ki dastak to nahin

jo kisi pur haul sae ke lapakte qahqahe ki gunj se

bach ke a nikla hai mere khana-e-tarik tak

waqai wahshat zada hoga agar rahi koi

is qadar mohtat si awaz kyun

is qadar dhimi si chap

nim ki shakhon ke pichhe uf ye kaunde ki lapak

aur urte abr paron ki garaj

tez ro andhi ke qadmon ki ye bhari ahaten

tez barish ke hain asar-e-muhib

bhig jaega koi

band-e-darwaze ko ab to khol dena chahiye

jane phir ye kaun apni sakht banhon mein

jakarta hai mujhe

jane kyun ruk ruk gae mere azaim ke qadam

kaun hai is hajla-e-tarik mein mere siwa

janta hun mashriqi rukh par tapai ke qarib

sham ko jalta raha ahista bosida charagh

ab wahan tak ja sakunga kis tarah

saibanon se pighalti be karan zulmat ki ro

barh gai hai tor kar sare hudud

chikh kar kis ko pukarun kis ko main awaz dun

nim ki larzida shakhon mein garajta hai ufuq

shor barhta ja raha hai kya karun

aur wo dastak ki dhimi si sada

ghaliban ta hashr ubhregi nahin

kya bhayanak rat hai