رات تیری مری آرزوؤں کا مسکن یہ رات

رات تیری مری آرزوؤں کا مسکن یہ رات

گھور کالی سیہ بادلوں سے اٹی

تیرے میرے گناہوں ثوابوں

سوالوں جوابوں سے عاری یہ رات

خون کی حدتوں میں دہکتی ہوئی

سارے خوابوں کا ایندھن بناتی ہوئی

رتجگوں کی چتا

جو تری میری آنکھوں میں بھڑکی

بھڑک کے بجھی

ساری عمروں کے دکھ

آتی جاتی ہر اک سانس میں ہیں سنبھالے ہوئے

سانس جو آس کی دوستی کو بھلا بھی چکی

دھیرے دھیرے سمٹتی ہوئی

کن یگوں پر نظر کو جمائے ہوئے

برف ہونے لگی

رات وعدے سبھی اصل کے

جو نہ پورے ہوئے

کیوں کیے

کور آنکھیں بھکاری بنی ہیں

مجسم سوالی بنی ہیں

خموشی کا کاسہ لیے

وصل کی ریز گاری کے ہیں منتظر

چھن چھنن

کوئی آواز کوئی بھی

خوشیوں کے سکوں سے لبریز آواز

آنکھیں سنیں

کیسے لیکن سنیں

سرمئی شام اپنا لبادہ بدل بھی چکی

رات آئی

یہ ڈولی نہیں کچھ جنازے اٹھائے ہوئے

سارے وعدے بھلائے ہوئے

شہر افسوس

ایک ماتم لہو کی روانی میں ہے

راکھ ہی راکھ آنکھوں کے پانی میں ہے

rat teri miri arzuon ka maskan ye rat

ghur kali siyah badalon se ati

tere mere gunahon sawabon

sawalon jawabon se ari ye rat

khun ki hiddaton mein dahakti hui

sare khwabon ka indhan banati hui

ratjagon ki chita

jo tiri meri ankhon mein bharki

bharak ke bujhi

sari umron ke dukh

ati jati har ik sans mein hain sambhale hue

sans jo as ki dosti ko bhala bhi chuki

dhire dhire simatti hui

kin yagon par nazar ko jamae hue

barf hone lagi

rat waade sabhi asl ke

jo na pure hue

kyun kiye

kor ankhen bhikari bani hain

mujassam sawali bani hain

khamoshi ka kasa liye

wasl ki rez gari ke hain muntazir

chhin chhanan

koi awaz koi bhi

khushiyon ke sukun se labrez awaz

ankhen sunen

kaise lekin sunen

surmai sham apna labada badal bhi chuki

rat ai

ye doli nahin kuchh janaze uthae hue

sare waade bhulae hue

shahr afsos

ek matam lahu ki rawani mein hai

rakh hi rakh ankhon ke pani mein hai