مدتوں سے

مدتوں سے

خموشی کے بے انت ورنوں کی اندھی گپھا میں

کھڑا وہ

مری پتلیوں میں

سوالوں کا نیزہ اتارے ہوئے پوچھتا ہے

میں تیری تمنا میں اپنے لیے

درد کے اک سیہ رو سمندر سے

تنہائیوں کے سیہ سیپ لایا

سکھ کے سارے دئے

اور

مسرت کی مالاؤں کو توڑ کر

دکھ کا ور میں نے مانگا

کہ تو میری رکھشا کو آئے

مگر مجھ کو کیوں

ان اذیت کی کالی صلیبوں پہ

خاموشیوں کی درندہ صفت کیل سے جڑ دیا ہے

مجھے کس لیے

کالے شبدوں کے بے نور کیچڑ میں

پھینکا گیا ہے

سیہ رات کا ماتمی ساز چھیڑے

بجھی بانجھ نظروں سے وہ پوچھتا ہے

میں اک ور کی خاطر

بھلا کیوں

سزا وار سمجھا گیا ہوں

muddaton se

khamoshi ke be ant warnon ki andhi gupha mein

khara wo

miri putliyon mein

sawalon ka neza utare hue puchhta hai

main teri tamanna main apne liye

dard ke ik siyah ru samundar se

tanhaiyon ke siyah sip laya

sukh ke sare diye

aur

masarrat ki malaon ko tor kar

dukh ka war main ne manga

ke tu meri rakhsha ko ae

magar mujh ko kyun

un aziyyat ki kali salibon pe

khamoshiyon ki darinda sifat kil se jur diya hai

mujhe kis liye

kale shabdon ke be nur kichar mein

phenka gaya hai

siyah rat ka matami saz chhere

bujhi banjh nazron se wo puchhta hai

main ik war ki khatir

bhala kyun

saza war samjha gaya hun