اے غم تجھی سے کیوں نہ خوشی مستعار لوں

اے غم تجھی سے کیوں نہ خوشی مستعار لوں

دو دن کی زندگی ہے تو ہنس کر گزار لوں

ممکن نہیں کہ مل سکے یہ جنس بے بہا

میں ورنہ دل کو بیچ کے دل کا قرار لوں

اے زلف ناز تیرا تقاضا بجا مگر

پہلے غم حیات کے گیسو سنوار لوں

کانٹوں کو اپنے خون جگر سے نکھار کر

کیوں تجھ سے انتقام نہ فصل بہار لوں

ai gham tujhi se kyun na khushi mustaar lun

do din ki zindagi hai to hans kar guzar lun

mumkin nahin ke mil sake ye jins-e-be baha

main warna dil ko bech ke dil ka qarar lun

ai zulf-e-naz tera taqaza baja magar

pahle gham-e-hayat ke gesu sanwar lun

kanton ko apne khun-e-jigar se nikhar kar

kyun tujh se intiqam na fasl-e-bahar lun