دور دنیا سے تیرگی ہوگی

دور دنیا سے تیرگی ہوگی

دل جلے گا تو روشنی ہوگی

کشمکش وہ بھی کشمکش پیہم

اور کیا شرح زندگی ہوگی

خون دل ہے کہ پی رہے ہیں ہم

اب نہ ہونٹوں پہ تشنگی ہوگی

بارہا تم نے دل کی دھڑکن میں

میری آواز بھی سنی ہوگی

کام آ جائے گر محبت میں

زندگی فیضؔ زندگی ہوگی

dur duniya se tirgi hogi

dil jalega to raushni hogi

kashmakash wo bhi kashmakash paiham

aur kiya sharh-e-zindagi hogi

khun-e-dil hai ke pi rahe hain ham

ab na honton pe tishnagi hogi

barha tum ne dil ki dharkan mein

meri awaz bhi suni hogi

kam a jae gar mohabbat mein

zindagi faiz zindagi hogi