کب ہوئی ختم رات یاد نہیں

کب ہوئی ختم رات یاد نہیں

کیا ہوئی ان سے بات یاد نہیں

کب لٹا کارواں ستاروں کا

کب لٹی کائنات یاد نہیں

کیسے گزرے وہ بے خبر لمحے

کیسے گزری حیات یاد نہیں

کس نے جیتی ہے عشق کی بازی

کس نے کھائی ہے مات یاد نہیں

وہ کھلی زلف وہ کھلی باہیں

قید تھی یا نجات یاد نہیں

وہ مرا جشن نامرادی تھا

یا کسی کی برات یاد نہیں

کب ملے تھے کہاں ملے تھے وہ

فیضؔ اتنی سی بات یاد نہیں

kab hui khatm rat yad nahin

kya hui un se bat yad nahin

kab luta karwan sitaron ka

kab luti kainat yad nahin

kaise guzre wo be khabar lamhe

kaise guzri hayat yad nahin

kis ne jiti hai ishq ki bazi

kis ne khai hai mat yad nahin

wo khuli zulf wo khuli bahen

qaid thi ya najat yad nahin

wo mira jashn-e-namuradi tha

ya kisi ki barat yad nahin

kab mile the kahan mile the wo

faiz itni si bat yad nahin