بدلا ہوا سا رنگ گلستاں ہے ان دنوں

بدلا ہوا سا رنگ گلستاں ہے ان دنوں

ہم پر بہار تو ترا احساں ہے ان دنوں

مہکا ہے اس کے دم سے گلستان آرزو

اپنا لہو بہار کا عنواں ہے ان دنوں

اپنا لیا ہے جس کو ترے غم کے ساتھ ساتھ

وہ غم غم حیات کا درماں ہے ان دنوں

لائیں کہاں سے روشنیٔ دل سمیٹ کر

نظروں سے دور دور چراغاں ہے ان دنوں

کہتے ہیں زندگی جسے اے مونس حیات

تیرے بغیر خواب پریشاں ہے ان دنوں

badla hua sa rang-e-gulistan hai in dinon

ham pur bahar to tira ehsan hai in dinon

mahka hai us ke dam se gulistan-e-arzu

apna lahu bahar ka unwan hai in dinon

apna liya hai jis ko tire gham ke sath sath

wo gham gham-e-hayat ka darman hai in dinon

laen kahan se raushni-e-dil samet kar

nazron se dur dur charaghan hai in dinon

kahte hain zindagi jise ai munis-e-hayat

tere baghair khwab-e-pareshan hai in dinon