پورا چاند

پورا چاند

پورا چاند نہیں دیا تم نے مجھے

میری یہ نادان شکایت یاد ہے تمہیں

چھوٹے سے گھر کی ٹوٹی ہوئی چھت سے

چاند کو ٹکڑوں میں دیکھا کرتی تھی

تم مجھے دیکھتے رہتے

میں چھت میں کچھ ڈھونڈھا کرتی تھی

ہاتھ بڑھا کر چھو لوں جی کرتا تھا

تمہارے ہاتھ میں پروئی انگلیاں

چھوٹا نہیں کرتی تھی

کتنی راتیں اسی ارمان میں گزری

ٹارچ سے نکلتی روشنی کی طرح

میرے چہرے پر بکھری تھوڑی سی چاندنی کو

اپنی انگلیوں سے چھو کر

تم کہتے تھے پورا چاند

اور تمہاری باہوں کی ٹھنڈک میں

وہ ارمان گمشدہ ہوتا گیا

رسی پہ ٹنگی تمہاری سفید قمیص

دیکھے بنا نیند نہیں آتی اب

تمہارے پیار کے اجالوں سے بہتر

کوئی اور نور ہوگا

رات بھر کا عمر بھر کا

پورے چاند کا وہ ادھورا ارمان

سو گیا میرے بھیتر سکون سے

اپنا بھرا پورا آسمان اوڑھ کر

pura chand

pura chand nahin diya tum ne mujhe

meri ye nadan shikayat yad hai tumhen

chhote se ghar ki tuti hui chhat se

chand ko tukron mein dekha karti thi

tum mujhe dekhte rahte

main chhat mein kuchh dhundha karti thi

hath barha kar chhu lun ji karta tha

tumhare hath mein piroi ungliyan

chhota nahin karti thi

kitni raten isi arman mein guzri

tarch se nikalti raushni ki tarah

mere chehre par bikhri thori si chandni ko

apni ungliyon se chhu kar

tum kahte the pura chand

aur tumhari bahon ki thandak mein

wo arman gumshuda hota gaya

rassi pe tangi tumhari safed qamis

dekhe bana nind nahin ati ab

tumhare pyar ke ujalon se behtar

koi aur nur hoga

rat bhar ka umr bhar ka

pure chand ka wo adhura arman

so gaya mere bhitar sukun se

apna bhara pura asman orh kar