ساری رات کا جاگا تھا میں

ساری رات کا جاگا تھا میں

اور برکھا کی بھیگی صبح میں

تیری یاد کی چادر اوڑھ کے

آنکھ لگی تھی

اٹھ کر دیکھا جب تو

سورج آگ کا گولا دہک رہا تھا

گھاس پہ نم کا ہلکا سا بھی

نقش نہیں تھا

دن پہ پچھلی رات کے

خواب کی

ایک بھی چھینٹ نہیں تھی باقی

دھوپ ہرے دالان میں بیٹھی

اونگھ رہی تھی

جسم کی چھال پہ

کھدے ہوئے کچھ نام نہیں تھے

ان کی جگہ کچھ زنگ لگے سے

کیل ٹنگے تھے

جن پہ پچھلی رات کی یادیں

یوں اٹکی تھیں

جیسے بے آباد گھروں پر

زنگ لگے تالے لٹکے ہوں

sari rat ka jaga tha main

aur barkha ki bhigi subh mein

teri yad ki chadar orh ke

ankh lagi thi

uth kar dekha jab to

suraj ag ka gola dahak raha tha

ghas pe nam ka halka sa bhi

naqsh nahin tha

din pe pichhli rat ke

khwab ki

ek bhi chhint nahin thi baqi

dhup hare dalan mein baithi

ungh rahi thi

jism ki chhal pe

khade hue kuchh nam nahin the

un ki jagah kuchh zang lage se

kil tange the

jin pe pichhli rat ki yaden

yun atki thin

jaise be abad gharon par

zang lage tale latke hun