تم

تم

ہم دونوں کی مشترکہ محبت تھے

لیکن بچھڑنے کے لیے

تم نے ایسے موسم کا انتخاب کیا

جب تنہائی

جسموں میں

غار بنائے بیٹھی تھی

آسمان پرندوں سے خالی تھا

اور آنسو تک خشک ہو چکے تھے

اس بد نما صبح کا

ذائقہ ابھی تک

میرے تالو سے چمٹا ہے

جب تمہاری موت کی خبر نے

دل کو ایسی اداسی سے بھر دیا تھا

جسے جھیلنے کے لیے

ایک وجود تھوڑا پڑ جاتا ہے

تب میں نے پہلی بار

اسے گلے لگانے کا سوچا تھا

جو اب کہیں بھی نہیں ہے

شاید

مشترکہ محبتیں بھی

کچھ لوگوں کو روکنے کے لیے

کافی نہیں ہوتیں

tum

ham donon ki mushtaraka mohabbat the

lekin bichharne ke liye

tum ne aise mausam ka intikhab kya

jab tanhai

jismon mein

ghar banae baithi thi

asman parindon se khali tha

aur ansu tak khushk ho chuke the

is bad numa subh ka

zaiqa abhi tak

mere talu se chimta hai

jab tumhari maut ki khabar ne

dil ko aisi udasi se bhar diya tha

jise jhelne ke liye

ek wajud thora par jata hai

tab main ne pahli bar

use gale lagane ka socha tha

jo ab kahin bhi nahin hai

shayad

mushtaraka mohabbaten bhi

kuchh logon ko rokne ke liye

kafi nahin hotin