ابھی کچھ دن مجھے اس شہر میں آوارہ رہنا ہے

ابھی کچھ دن مجھے اس شہر میں آوارہ رہنا ہے

کہ اب تک دل کو اس بستی کی شامیں یاد آتی ہیں

جہاں بیلے کی جھاڑی میں کسی ناگن کی بانبی تھی

ابھی تک دل یہ کہتا ہے کہ اس بستی میں پھر جاؤ

بھرو دامن کو پھولوں سے بدن ناگن سے ڈسواؤ

جہاں اب ہوں وہاں بیلا ہے نہ ناگن کی بانبی ہے

اسی کارن یہ ظالم دل مجھے الجھائے رکھتا ہے

اسی کارن مجھے اس شہر میں آوارہ رہنا ہے

مگر جس دن یہ رشتہ یاد کا ٹوٹا تو پھر اس دن

نہ دل ہوگا نہ یہ احساس ہی کہ دل بھی رکھتے تھے

کہ میری ذات میں جو ناگ ہے وہ مجھ کو ڈس لے گا

ابھی کچھ دن مجھے اس شہر میں آوارہ رہنا ہے

abhi kuchh din mujhe is shahr mein awara rahna hai

ke ab tak dil ko is basti ki shamen yad ati hain

jahan bele ki jhari mein kisi nagin ki banbi thi

abhi tak dil ye kahta hai ke is basti mein phir jao

bharo daman ko phulon se badan nagin se daswao

jahan ab hun wahan bela hai na nagin ki banbi hai

isi karan ye zalim dil mujhe uljhae rakhta hai

isi karan mujhe is shahr mein awara rahna hai

magar jis din ye rishta yad ka tuta to phir us din

na dil hoga na ye ehsas hi ke dil bhi rakhte the

ke meri zat mein jo nag hai wo mujh ko das lega

abhi kuchh din mujhe is shahr mein awara rahna hai