نومبر کی زرد رو دھوپ

نومبر کی زرد رو دھوپ

کھڑکی کے روزن سے نکل کر

ہر سو پھیل گئی ہے

ویران اجاڑ کمرے میں

خشک موٹی کتابیں ہیں

نیم شب کی جلی ادھ جلی سگریٹیں

بوڑھے شاعر کا پرانا چشمہ

جھریوں بھرے ہاتھوں کی لرزش میں انوکھے الفاظ

رنگ خوشبو فلک پیمائی کے نئے انداز

کرم خوردہ میز کے عقب میں بوڑھا شاعر

پار کر کی موٹی نب سے لکھے جا رہا ہے

رنگ کی زباں میں خوشبو کے افسانے

اسے خبر بھی نہیں

کہ

نومبر کی زرد رو دھوپ

اس کی میز پر سرک آئی ہے

اور

انگور کی سرد خشک بیل

کھڑکی کی درز سے

اسے جھانکتی ہے

nawambar ki zard ru dhup

khirki ke rauzan se nikal kar

har su phail gai hai

wiran ujar kamre mein

khushk moti kitaben hain

nim shab ki jali adh jali sigreten

burhe shayar ka purana chashma

jhiriyon bhare hathon ki larzish mein anokhe alfaz

rang khushbu falak paimai ke nae andaz

karam khurda mez ke aqab mein burha shayar

par kar ki moti nib se likhe ja raha hai

rang ki zaban mein khushbu ke afsane

use khabar bhi nahin

ke

nawambar ki zard ru dhup

us ki mez par sarak ai hai

aur

angur ki sard khushk bel

khirki ki darz se

use jhankti hai