آمد ہے سال نو کی سماں ہے بہار کا

آمد ہے سال نو کی سماں ہے بہار کا

سرسبز گلستاں ہے دل داغدار کا

عشق وطن میں عاشق صادق ہے جاں بہ لب

کیا حال پوچھتے ہو غریب الدیار کا

یا رب کہیں گے کس طرح ہم بیکسوں کے دن

یاد آیا ہے قفس میں زمانہ بہار کا

یوں اشک غم ٹپکتے ہیں آنکھوں سے قوم کی

ممکن نہیں ہے ٹوٹنا اشکوں کے تار کا

اک بار قتل عام کرو تیغ ظلم سے

اچھا نہیں ہے جور و ستم بار بار کا

اے مادر وطن کے سپوتو بڑھے چلو

یہ آج ہو رہا ہے اشارہ بہار کا

قاتل کو ناز قوت بازو پہ ہے اگر

مظلوم کو بھروسا ہے پروردگار کا

اے مادر وطن ذرا دست دعا اٹھا

مقتل میں امتحاں ہے ترے غم گسار کا

گرگٹ کی طرح رنگ بدلتا ہے دم بدم

کیا اعتبار غیر کے قول و قرار کا

اغیار سے کرم کی توقع فضول ہے

عرصہ گزر چکا ہے بہت انتظار کا

اے آفتابؔ دہر کا شکوہ ہے کیوں تجھے

ہوتا نہیں ہے کوئی دل بے قرار کا

amad hai sal-e-nau ki saman hai bahar ka

sarsabz gulistan hai dil daghdar ka

ishq watan mein ashiq-e-sadiq hai jan ba lab

kya hal puchhte ho gharib alddiyar ka

ya rab kahenge kis tarah ham bekason ke din

yad aya hai qafas mein zamana bahar ka

yun ashk-e-gham tapakte hain ankhon se qaum ki

mumkin nahin hai tutna ashkon ke tar ka

ik bar qatl-e-am karo tegh zulm se

achchha nahin hai jaur-o-sitam bar bar ka

ai madar-e-watan ke suputo barhe chalo

ye aj ho raha hai ishara bahar ka

qatil ko naz quwwat-e-bazu pe hai agar

mazlum ko bharosa hai parwardigar ka

ai madar-e-watan zara dast-e-dua utha

maqtal mein imtihan hai tire gham gusar ka

girgat ki tarah rang badalta hai dam badam

kya etibar ghair ke qaul-o-qarar ka

aghyar se karam ki tawaqqo fuzul hai

arsa guzar chuka hai bahut intizar ka

ai aftab dahr ka shikwa hai kyun tujhe

hota nahin hai koi dil-e-be qarar ka