میں ایک تیشہ بدست انساں

میں ایک تیشہ بدست انساں

مجھے خرابوں کی جستجو ہے

مجھے پہاڑوں کی آرزو ہے

میں چاہتا ہوں کہ اس جہاں کے

تمام دکھڑے اکھاڑ پھینکوں

میں چاہتا ہوں کہ آنے والے نئے زمانے کی

ساری راہیں

ہری بھری ہوں

ہر اک شجر اک لباس پہنے

نئی وضع کا

ہر ایک گل پر شباب مہکے

نئی طرح کا

میں چاہتا ہوں کہ نسل انساں جو آ رہی ہے

قرار بانٹے

سکون بوئے تو پیار کاٹے

مگر مرے عہد کے یہ انساں

مرے مقابل کھڑے ہوئے ہیں

پہاڑ بن کر

میں اپنا تیشہ چلاؤں کس پر

انہی میں کوئی ہے میرا بھائی

کوئی چچا ہے

میں سوچتا ہوں

اٹھا کے تیشے کو اس زمیں پر

لکیر کھینچوں مصالحت کی

پھر اپنے حصہ کی سب زمیں پر

چلاؤں تیشہ

مگر خیالوں میں بات ٹھہری

مری زمیں کے تمام حصے

مرے ہی بچوں نے بیچ کھائے

main ek tesha badast insan

mujhe kharabon ki justuju hai

mujhe paharon ki arzu hai

main chahta hun ke is jahan ke

tamam dukhre ukhar phenkun

main chahta hun ke ane wale nae zamane ki

sari rahen

hari bhari hun

har ik shajar ik libas pahne

nai waza ka

har ek gul par shabab mahke

nai tarah ka

main chahta hun ke nasl insan jo a rahi hai

qarar bante

sukun boe to pyar kate

magar mire ahd ke ye insan

mire muqabil khare hue hain

pahar ban kar

main apna tesha chillaun kis par

unhi mein koi hai mera bhai

koi chacha hai

main sochta hun

utha ke teshe ko is zamin par

lakir khinchun musalahat ki

phir apne hissa ki sab zamin par

chillaun tesha

magar khayalon mein bat thahri

miri zamin ke tamam hisse

mire hi bachchon ne bich khae