یہ کس نے چہروں پہ تان دی ہے

یہ کس نے چہروں پہ تان دی ہے

ناآشنائی کی پھر سے چادر

کہ اس کی اجلی زمیں پہ میں نے

برش سے آنکھوں کے

ایک پیکر بنا دیا تھا

وہ ایک پیکر کہ جس میں اپنے تمام خوابوں کا خوں بھرا تھا

بہار بن کر کھلیں تھیں اس پر

مری تمنا کی ساری کلیاں

مگر وہاں اب بسیرا کرتی ہے

ناآشنائی

وہ ساری کلیاں

شناسا ہوں جن سے عمر بھر کا

کھلیں تو خوشبو وہ ناآشنائی کی میرے گھر میں

بسا گئی ہیں

مری نگاہوں کے سارے منظر کو

دشت ویراں بنا گئی ہیں

ye kis ne chehron pe tan di hai

naashnai ki phir se chadar

ke us ki ujli zamin pe main ne

barash se ankhon ke

ek paikar bana diya tha

wo ek paikar ke jis main apne tamam khwabon ka khun bhara tha

bahar ban kar khulen thin us par

miri tamanna ki sari kaliyan

magar wahan ab basera karti hai

naashnai

wo sari kaliyan

shanasa hun jin se umr bhar ka

khulen to khushbu wo naashnai ki mere ghar mein

basa gai hain

miri nigahon ke sare manzar ko

dasht-e-wiran bana gai hain