اگر چراغ بھی آندھی سے ڈر گئے ہوتے

اگر چراغ بھی آندھی سے ڈر گئے ہوتے

تو سوچیے کہ اجالے کدھر گئے ہوتے

یہ میرے دوست مرے چارہ گر مرے احباب

نہ چھیڑتے تو مرے زخم بھر گئے ہوتے

کوئی نگاہ جو اپنی بھی منتظر ہوتی

تو ہم بھی شام ڈھلے اپنے گھر گئے ہوتے

اگر وہ میری عیادت کو آ گیا ہوتا

تو دوستوں کے بھی چہرے اتر گئے ہوتے

ہمیں تو شوق سخن نے سمیٹ رکھا ہے

وگرنہ ہم تو کبھی کے بکھر گئے ہوتے

انہیں بھی مجھ سے محبت تو ہے نفسؔ لیکن

میں پوچھتا تو یقیناً مکر گئے ہوتے

agar charagh bhi andhi se dar gae hote

tu sochiye ke ujale kidhar gae hote

ye mere dost mire chara gar mire ahbab

na chherte to mire zakhm bhar gae hote

koi nigah jo apni bhi muntazir hoti

to ham bhi sham dhale apne ghar gae hote

agar wo meri ayadat ko a gaya hota

tu doston ke bhi chehre utar gae hote

hamen to shauq sukhan ne samet rakha hai

wagarna ham to kabhi ke bikhar gae hote

unhen bhi mujh se mohabbat to hai nafas lekin

main puchhta to yaqinan makar gae hote