جو سازشیں تھیں جلی بستیاں بتاتی ہیں

جو سازشیں تھیں جلی بستیاں بتاتی ہیں

یہ درد وہ ہیں جو خاموشیاں بتاتی ہیں

کسی نے جھیل کے پانی میں زہر گھول دیا

جو نیم جاں ہیں ابھی مچھلیاں بتاتی ہیں

وہ بد حواس ہیں کتنی چراغ جلنے سے

ان آندھیوں کی یہ بے چینیاں بتاتی ہیں

کبھی وہ مل کی مشینوں میں کام کرتا تھا

اس آدمی کی کٹی انگلیاں بتاتی ہیں

ہمارے ساتھ شریک سفر ہیں طوفاں بھی

ہمیں تو راستہ بھی بجلیاں بتاتی ہیں

تمہیں بھی کوئی گلہ تو ضرور ہے مجھ سے

تمہارے لہجے کی یہ تلخیاں بتاتی ہیں

یہاں مکین ہیں عہدے گھروں میں لوگ نہیں

دروں پہ لٹکی ہوئی تختیاں بتاتی ہیں

jo sazishen thin jali bastiyan batati hain

ye dard wo hain jo khamoshiyan batati hain

kisi ne jhil ke pani mein zahr ghol diya

jo nim jan hain abhi machhliyan batati hain

wo bad hawas hain kitni charagh jalne se

in andhiyon ki ye be chiniyan batati hain

kabhi wo mil ki mashinon mein kam karta tha

us admi ki kati ungliyan batati hain

hamare sath sharik-e-safar hain tufan bhi

hamen to rasta bhi bijliyan batati hain

tumhen bhi koi gila to zarur hai mujh se

tumhare lahje ki ye talkhiyan batati hain

yahan makin hain ohde gharon mein log nahin

darun pe latki hui takhtiyan batati hain