سر برہنہ بھری برسات میں گھر سے نکلے

سر برہنہ بھری برسات میں گھر سے نکلے

ہم بھی کس گردش حالات میں گھر سے نکلے

دن میں کس کس کو بتائیں گے مسافت کا سبب

بس یہی سوچ کے ہم رات میں گھر سے نکلے

سر پہ خود اپنی صلیبوں کو اٹھائے ہم لوگ

روح کا بوجھ لئے ذات میں گھر سے نکلے

کب برس جائیں ان آنکھوں کا بھروسہ ہی نہیں

کون بے وقت کی برسات میں گھر سے نکلے

ڈر گیا دیکھ کے میں شہر مہذب کا چلن

کتنے آسیب فسادات میں گھر سے نکلے

عین ممکن ہے کی وہ دن میں نمایاں ہی نہ ہو

اس ستارے سے کہو رات میں گھر سے نکلے

ان کی فطرت میں تغافل بھی مرکب تھا نفسؔ

ہم ہی ناداں تھے جو جذبات میں گھر سے نکلے

sar barahna bhari barsat mein ghar se nikle

ham bhi kis gardish-e-halat mein ghar se nikle

din mein kis kis ko bataenge masafat ka sabab

bas yahi soch ke ham rat mein ghar se nikle

sar pe khud apni salibon ko uthae ham log

ruh ka bojh liye zat mein ghar se nikle

kab baras jaen in ankhon ka bharosa hi nahin

kaun be waqt ki barsat mein ghar se nikle

dar gaya dekh ke main shahr mohazzab ka chalan

kitne aseb fasadat mein ghar se nikle

ain mumkin hai ki wo din mein numayan hi na ho

is sitare se kaho rat mein ghar se nikle

un ki fitrat mein taghaful bhi murakkab tha nafas

ham hi nadan the jo jazbat mein ghar se nikle