یوں تو خود اپنے ہی سائے سے بھی ڈر جاتے ہیں لوگ

یوں تو خود اپنے ہی سائے سے بھی ڈر جاتے ہیں لوگ

حادثے کیسے بھی ہوں لیکن گزر جاتے ہیں لوگ

جب مجھے دشواریوں سے رو بہ رو ہونا پڑا

تب میں سمجھا ریزہ ریزہ کیوں بکھر جاتے ہیں لوگ

صرف غازہ ہی نہیں چہروں کی رعنائی کا راز

شدت غم کی تپش سے بھی نکھر جاتے ہیں لوگ

مسئلے آ کر لپٹ جاتے ہیں بچوں کی طرح

شام کو جب لوٹ کر دفتر سے گھر جاتے ہیں لوگ

ہر نفسؔ مر مر کے جیتے ہیں تجھے اے زندگی

اور جینے کی تمنا میں ہی مر جاتے ہیں لوگ

yun to khud apne hi sae se bhi dar jate hain log

hadse kaise bhi hun lekin guzar jate hain log

jab mujhe dushwariyon se ru ba ro hona para

tab main samjha reza reza kyun bikhar jate hain log

sirf-e-ghaza hi nahin chehron ki raanai ka raz

shiddat-e-gham ki tapish se bhi nikhar jate hain log

masale a kar lipat jate hain bachchon ki tarah

sham ko jab laut kar daftar se ghar jate hain log

har nafas mar mar ke jite hain tujhe ai zindagi

aur jine ki tamanna mein hi mar jate hain log