اک شعلۂ حسرت ہوں مٹا کیوں نہیں دیتے

اک شعلۂ حسرت ہوں مٹا کیوں نہیں دیتے

مجھ کو مرے جینے کہ سزا کیوں نہیں دیتے

میں جن کے لئے روز صلیبوں پہ چڑھا ہوں

وہ میری وفاؤں کا صلہ کیوں نہیں دیتے

کیوں درد کی شدت کو بڑھاتے ہو طبیبو

اس درد مسلسل کی دوا کیوں نہیں دیتے

سنتا ہوں کہ ہر موڑ پہ رہبر ہیں مگر وہ

مجھ کو میری منزل کا پتہ کیوں نہیں دیتے

کچھ بات نفسؔ دل میں لئے بیٹھے ہو کب سے

آئے ہو یہاں تک تو بتا کیوں نہیں دیتے

ik shola-e-hasrat hun mita kyun nahin dete

mujh ko mire jine ke saza kyun nahin dete

main jin ke liye roz salibon pe charha hun

wo meri wafaon ka sila kyun nahin dete

kyun dard ki shiddat ko barhate ho tabibo

is dard musalsal ki dawa kyun nahin dete

sunta hun ke har mor pe rahbar hain magar wo

mujh ko meri manzil ka pata kyun nahin dete

kuchh bat nafas dil mein liye baithe ho kab se

ae ho yahan tak to bata kyun nahin dete