نہ جانے کب کی دبی تلخیاں نکل آئیں

نہ جانے کب کی دبی تلخیاں نکل آئیں

ذرا سی بات تھی اور برچھیاں نکل آئیں

ہوا یے ہم پہ اندھیروں کی سازشوں کا اثر

ہمارے ذہن میں بھی کھڑکیاں نکل آئیں

مجھے نواز دی مولیٰ نے پھول سی بیٹی

مرے حساب میں کچھ نیکیاں نکل آئیں

وہ پیڑ جس پہ قضا بن کے بجلیاں ٹوٹیں

سنا ہے اوس پہ ہری پتیاں نکل آئیں

بدلتی رت میں یے کم ظرفیوں کا عالم ہے

بلوں سے پنکھ لیے چیونٹیاں نکل آئیں

خدا کے واسطے اب تو سفر تمام کرو

کہ اب قفس سے بھی تو انگلیاں نکل آئیں

یے معجزہ ہی تو ہے اے نفسؔ کہ طوفاں میں

سمندروں سے سبھی کشتیاں نکل آئیں

na jane kab ki dabi talkhiyan nikal aen

zara si bat thi aur barchhiyan nikal aen

hawa ye ham pe andheron ki sazishon ka asar

hamare zehn mein bhi khirkiyan nikal aen

mujhe nawaz di moli ne phul si beti

mire hisab mein kuchh nekiyan nikal aen

wo per jis pe qaza ban ke bijliyan tuten

suna hai os pe hari pattiyan nikal aen

badalti rut mein ye kam zarfiyon ka alam hai

balon se pankh liye chiyuntiyan nikal aen

khuda ke waste ab to safar tamam karo

ke ab qafas se bhi to ungliyan nikal aen

ye mojiza hi to hai ai nafas ke tufan mein

samundaron se sabhi kashtiyan nikal aen