گھر کسی کا بھی ہو جلتا نہیں دیکھا جاتا

گھر کسی کا بھی ہو جلتا نہیں دیکھا جاتا

ہم سے چپ رہ کے تماشہ نہیں دیکھا جاتا

تیری عظمت ہے تو چاہے تو سمندر دے دے

مانگنے والے کا کاسہ نہیں دیکھا جاتا

جب سے صحرا کا سفر کاٹ کے گھر لوٹا ہوں

تب سے کوئی بھی ہو پیاسا نہیں دیکھا جاتا

یہ عبادت ہے عبادت میں سیاست کیسی

اس میں کعبہ یا کلیسا نہیں دیکھا جاتا

میرے لہجہ پہ نہ جا قول کا مفہوم سمجھ

بات سچی ہو تو لہجہ نہیں دیکھا جاتا

عکس ابھرے گا نفسؔ گرد ہٹا دے پہلے

دھندلے آئینے میں چہرہ نہیں دیکھا جاتا

ghar kisi ka bhi ho jalta nahin dekha jata

ham se chup rah ke tamasha nahin dekha jata

teri azmat hai tu chahe to samundar de de

mangne wale ka kasa nahin dekha jata

jab se sahra ka safar kat ke ghar lauta hun

tab se koi bhi ho pyasa nahin dekha jata

ye ibadat hai ibadat mein siyasat kaisi

is mein kaaba ya kalisa nahin dekha jata

mere lahja pe na ja qaul ka mafhum samajh

bat sachchi ho to lahja nahin dekha jata

aks ubhrega nafas gard hata de pahle

dhundle aine mein chehra nahin dekha jata