جب سے نادانوں نے خود کو فانی کہنا چھوڑ دیا

جب سے نادانوں نے خود کو فانی کہنا چھوڑ دیا

ہم نے اپنی حیرت کو حیرانی کہنا چھوڑ دیا

دریا تیری عظمت پر بھی یہ الزام تو آئے گا

آخر پیاسے لوگوں نے کیوں پانی کہنا چھوڑ دیا

سوچو کتنی مایوسی کا موسم ہے اس بستی میں

لوگوں نے بے معنی کو بے معنی کہنا چھوڑ دیا

میرا ان طوفانوں سے تو بس اتنا سا جھگڑا ہے

میں نے تیز ہواؤں کو طوفانی کہنا چھوڑ دیا

جن کی رعنائی کے پیچھے سو سو جھوٹ کی پرتیں ہیں

ہم نے ایسے چہروں کو نورانی کہنا چھوڑ دیا

مانا اس نے سبز فضائیں صحرا صحرا کر ڈالیں

تم نے کیوں ویرانی کو ویرانی کہنا چھوڑ دیا

میرے غم کا شاید تم کو اس سے کچھ اندازہ ہو

میں نے اس کی چونر کو اب دھانی کہنا چھوڑ دیا

jab se nadanon ne khud ko fani kahna chhor diya

ham ne apni hairat ko hairani kahna chhor diya

dariya teri azmat par bhi ye ilzam to aega

akhir pyase logon ne kyun pani kahna chhor diya

socho kitni mayusi ka mausam hai is basti mein

logon ne be maani ko be maani kahna chhor diya

mera in tufanon se to bas itna sa jhagra hai

main ne tez hawaon ko tufani kahna chhor diya

jin ki raanai ke pichhe sau sau jhut ki paraten hain

ham ne aise chehron ko nurani kahna chhor diya

mana us ne sabz fazaen sahra sahra kar dalen

tum ne kyun wirani ko wirani kahna chhor diya

mere gham ka shayad tum ko us se kuchh andaza ho

main ne us ki chunar ko ab dhani kahna chhor diya