تجھے یہ کیسے بتاؤں عذاب کتنے تھے

تجھے یہ کیسے بتاؤں عذاب کتنے تھے

مری نظر کے مقابل سراب کتنے تھے

یہ حشر میں مرے اعمال ہی بتائیں گے

گناہ کتنے تھے میرے ثواب کتنے تھے

تجھے خبر ہی کہاں ہے کہ ان اندھیروں میں

ہتھیلیوں پہ مری آفتاب کتنے تھے

لہو لہو تھا بدن میں حساب کیا رکھتا

چمن میں خار تھے کتنے گلاب کتنے تھے

شکستہ پائی مرا حاصل سفر تو بتا

میں جب چلا تھا تو آنکھوں میں خواب کتنے تھے

میں ایک جگنو کہ تاریکیوں سے لڑتا ہوا

تمہارے رخ پہ مگر آفتاب کتنے تھے

حضور اپنی طرف بھی ذرا نگاہ کریں

کہ عیب آپ میں عالی جناب کتنے تھے

ملے جو لوگ نفسؔ مجھ کو با خلوص ملے

میں کیا کہوں کہ اب ان میں خراب کتنے تھے

tujhe ye kaise bataun azab kitne the

miri nazar ke muqabil sarab kitne the

ye hashr mein mire aamal hi bataenge

gunah kitne the mere sawab kitne the

tujhe khabar hi kahan hai ke in andheron mein

hatheliyon pe miri aftab kitne the

lahu lahu tha badan mein hisab kya rakhta

chaman mein khar the kitne gulab kitne the

shikasta pai mira hasil-e-safar to bata

main jab chala tha to ankhon mein khwab kitne the

main ek jugnu ke tarikiyon se larta hua

tumhare rukh pe magar aftab kitne the

huzur apni taraf bhi zara nigah karen

ke aib ap mein ali janab kitne the

mile jo log nafas mujh ko ba khulus mile

main kya kahun ke ab un mein kharab kitne the