عمر بھی کٹ گئی اور جیا بھی نہیں

عمر بھی کٹ گئی اور جیا بھی نہیں

زندگی تجھ سے کوئی گلہ بھی نہیں

درد جینے کی اک لازمی شرط ہے

اور ستم ہے کہ اس کی دوا بھی نہیں

لوٹنا ہی نہیں تھا مجھے پھر کبھی

ورنہ مڑ مڑ کے گھر دیکھتا بھی نہیں

عکس کو دیکھ کر اپنے حیران ہوں

میرے کمرے میں تو آئنہ بھی نہیں

زندگی تو کبھی جی نہ پائے مگر

اپنے حصے میں جیسے قضا بھی نہیں

بچ کے مقتل سے تو لوٹ آئے مگر

اب کہاں جائیں گے کچھ پتہ بھی نہیں

لوگ اتنے برے تو نہیں شیخ جی

آپ جیسے مگر پارسا بھی نہیں

اپنا دل بھی سلگتا شرر ہے نفسؔ

جو جلا بھی نہیں تو بجھا بھی نہیں

umr bhi kat gai aur jiya bhi nahin

zindagi tujh se koi gila bhi nahin

dard jine ki ik lazmi shart hai

aur sitam hai ke us ki dawa bhi nahin

lautna hi nahin tha mujhe phir kabhi

warna mur mur ke ghar dekhta bhi nahin

aks ko dekh kar apne hairan hun

mere kamre mein to aina bhi nahin

zindagi to kabhi ji na pae magar

apne hisse mein jaise qaza bhi nahin

bach ke maqtal se to laut ae magar

ab kahan jaenge kuchh pata bhi nahin

log itne bure to nahin shaikh ji

ap jaise magar parsa bhi nahin

apna dil bhi sulagta sharar hai nafas

jo jala bhi nahin to bujha bhi nahin