خود کو اس شہر میں تنہا بھی نہیں کہہ سکتے

خود کو اس شہر میں تنہا بھی نہیں کہہ سکتے

اور کسی شخص کو اپنا بھی نہیں کہہ سکتے

اپنی قربت میں بھی تو نے ہمیں پیاسا رکھا

ہم تو دریا تجھے دریا بھی نہیں کہہ سکتے

کس کے سجدوں میں جھکیں کس سے دعائیں مانگیں

ہر کسی کو تو مسیحا بھی نہیں کہہ سکتے

گاؤں میں آج بھی لگتا ہے وہ گھر ہے اپنا

اس کی مٹی کو تو ملبہ بھی نہیں کہہ سکتے

زندگی ایک تماشا ہے مگر کیا کیجے

اس تماشے کو تماشا بھی نہیں کہہ سکتے

روز آئینے میں ملتا ہے نئے زخم لیے

ایک چہرہ جسے چہرہ بھی نہیں کہہ سکتے

khud ko is shahr mein tanha bhi nahin kah sakte

aur kisi shakhs ko apna bhi nahin kah sakte

apni qurbat mein bhi tu ne hamen pyasa rakha

ham to dariya tujhe dariya bhi nahin kah sakte

kis ke sajdon mein jhuken kis se duaen mangen

har kisi ko to masiha bhi nahin kah sakte

gaon mein aj bhi lagta hai wo ghar hai apna

us ki mitti ko to malba bhi nahin kah sakte

zindagi ek tamasha hai magar kya kije

is tamashe ko tamasha bhi nahin kah sakte

roz aine mein milta hai nae zakhm liye

ek chehra jise chehra bhi nahin kah sakte