جو ناصح مرے آگے بکنے لگا

جو ناصح مرے آگے بکنے لگا

میں کیا کرتا منہ اس کا تکنے لگا

محبت کا تم سے اثر کیا کہوں

نظر مل گئی دل دھڑکنے لگا

بدن چھو گیا آگ سی لگ اٹھی

نظر مل گئی دل دھڑکنے لگا

رقیبوں نے پہلو دبایا تو چپ

میں بیٹھا تو ظالم سرکنے لگا

جو محفل میں اکبرؔ نے کھولی زباں

گلستاں میں بلبل چہکنے لگا

jo naseh mire age bikne laga

main kya karta munh us ka takne laga

mohabbat ka tum se asar kya kahun

nazar mil gai dil dharakne laga

badan chhu gaya ag si lag uthi

nazar mil gai dil dharakne laga

raqibon ne pahlu dabaya to chup

main baitha to zalim sarakne laga

jo mahfil mein akbar ne kholi zaban

gulistan mein bulbul chahakne laga