اب وہ فرماتے ہیں کب میں نے دکھائیں آنکھیں

اب وہ فرماتے ہیں کب میں نے دکھائیں آنکھیں

آپ نے مفت میں رو رو کے سجائیں آنکھیں

مضطرب ہم بھی رہے رات تڑپ کر کافی

دل بھی بے چین رہا ان کی جو آئیں آنکھیں

حسن مغرب میں ہمیں ساعد و گیسو کے سوا

اور بھی کچھ نظر آیا تو وہ بھائیں آنکھیں

رات مجھ ملزم پابوس کو از راہ کرم

سرزنش کچھ بھی نہ کی خود وہ لجائیں آنکھیں

داغ لگ جائے گا دامان وفا میں حسرتؔ

تم نے دیکھو جو کہیں اور لگائیں آنکھیں

ab wo farmate hain kab main ne dikhaen ankhen

ap ne muft mein ro ro ke sajaen ankhen

muztarib ham bhi rahe rat tarap kar kafi

dil bhi be chain raha un ki jo aen ankhen

husn maghrib mein hamen said-o-gesu ke siwa

aur bhi kuchh nazar aya to wo bhaen ankhen

rat mujh mulzim-e-pabos ko az rah-e-karam

sarzanish kuchh bhi na ki khud wo lajaen ankhen

dagh lag jaega daman-e-wafa mein hasrat

tum ne dekho jo kahin aur lagaen ankhen