رنج و راحت وصل‌ و فرقت ہوش و وحشت کیا نہیں

رنج و راحت وصل‌ و فرقت ہوش و وحشت کیا نہیں

کون کہتا ہے کہ رہنے کی جگہ دنیا نہیں

اہل غم تم کو مبارک یہ فنا آمادگی

لیکن ایثار محبت جان دے دینا نہیں

حسن سر تا پا تمنا عشق سر تا سر غرور

اس کا اندازہ نیاز و ناز سے ہوتا نہیں

ایک حالت پر زمانے میں نہ گزری عشق کی

درد کی دنیا بھی اب وہ درد کی دنیا نہیں

جس کے شعلوں سے تھی کل تک گرمیٔ بزم حیات

آج اس خاکستر دل سے دھواں اٹھتا نہیں

میں عدم اندر عدم میں ہوں جہاں اندر جہاں

ایک ہی دنیا ہو میری اے فراقؔ ایسا نہیں

ranj-o-rahat wasl-o-furqat hosh-o-wahshat kya nahin

kaun kahta hai ke rahne ki jagah duniya nahin

ahl-e-gham tum ko mubarak ye fana amadagi

lekin isar-e-mohabbat jan de dena nahin

husn-e-sar ta pa tamanna ishq sar ta sar ghurur

us ka andaza niyaz-o-naz se hota nahin

ek halat par zamane mein na guzri ishq ki

dard ki duniya bhi ab wo dard ki duniya nahin

jis ke sholon se thi kal tak garmi-e-bazm-e-hayat

aj is khakistar-e-dil se dhuan uthta nahin

main adam andar adam mein hun jahan andar jahan

ek hi duniya ho meri ai firaq aisa nahin