تم ہو جہاں کے شاید میں بھی وہاں رہا ہوں

تم ہو جہاں کے شاید میں بھی وہاں رہا ہوں

کچھ تم بھی بھولتے ہو کچھ میں بھی بھولتا ہوں

مٹتا بھی جا رہا ہوں پورا بھی ہو رہا ہوں

میں کس کی آرزو ہوں میں کس کا مدعا ہوں

منزل کی یوں تو مجھ کو کوئی خبر نہیں ہے

دل میں کسی طرف کو کچھ سوچتا چلا ہوں

لیتی ہیں الٹی سانسیں جب شام غم فضائیں

اس دم فنا بقا کی میں نبض دیکھتا ہوں

ہوں وہ شعاع فردا جو آنکھ مل رہی ہے

وہ سرمگیں افق پر میں تھرتھرا رہا ہوں

جس سے شجر حجر میں اک روح دوڑ جائے

وہ ساز سرمدی میں غزلوں میں چھیڑتا ہوں

tum ho jahan ke shayad main bhi wahan raha hun

kuchh tum bhi bhulte ho kuchh main bhi bhulta hun

mitta bhi ja raha hun pura bhi ho raha hun

main kis ki arzu hun main kis ka muddaa hun

manzil ki yun to mujh ko koi khabar nahin hai

dil mein kisi taraf ko kuchh sochta chala hun

leti hain ulti sansen jab sham-e-gham fazaen

is dam fana baqa ki main nabz dekhta hun

hun wo shua-e-farda jo ankh mal rahi hai

wo surmagin ufuq par main tharthara raha hun

jis se shajar hajar mein ik ruh daur jae

wo saz-e-sarmadi mein ghazlon mein chherta hun