میرے دل کو وہ بت دل خواہ جو چاہے کرے

میرے دل کو وہ بت دل خواہ جو چاہے کرے

اب تو دے ڈالا اسے اللہ جو چاہے کرے

شیخ کی منطق ہو یا چشم فسوں ساز بتاں

سیدھا سادہ ہوں مجھے گمراہ جو چاہے کرے

دیکھ کر پوتھی برہمن کہتے ہیں اس عہد میں

شادی تو آساں نہیں ہاں بیاہ جو چاہے کرے

خرچ کی تفصیل پوچھوں گا نہ مانگوں گا حساب

لے لے وہ بت کل مری تنخواہ جو چاہے کرے

اچھے اچھے پھنس گئے ہیں نوکری کے جال میں

سچ یہ ہے افزونیٔ تنخواہ جو چاہے کرے

با اثر ہونا تو ہے موقوف دل کے رنگ پر

جوش میں یوں آ کے اکبرؔ آہ جو چاہے کرے

mere dil ko wo but-e-dil khwah jo chahe kare

ab to de dala use allah jo chahe kare

shaikh ki mantiq ho ya chashm-e-fusun saz-e-butan

sidha sada hun mujhe gumrah jo chahe kare

dekh kar pothi barahman kahte hain is ahd mein

shadi to asan nahin han biyah jo chahe kare

kharch ki tafsil puchhunga na mangunga hisab

le le wo but kal miri tankhwah jo chahe kare

achchhe achchhe phans gae hain naukri ke jal mein

sach ye hai afzuni-e-tankhwah jo chahe kare

ba asar hona to hai mauquf dil ke rang par

josh mein yun a ke akbar ah jo chahe kare