منتشر ذروں کو یکجائی کا جوش آیا تو کیا

منتشر ذروں کو یکجائی کا جوش آیا تو کیا

چار دن کے واسطے مٹی کو ہوش آیا تو کیا

عارضی ہیں موسم گل کی یہ ساری مستیاں

لالہ گلشن میں اگر ساغر بہ دوش آیا تو کیا

دور آخر بزم دنیا کا ہے جام خون دل

طیش اس محفل میں بن کر بادہ نوش آیا تو کیا

حد حیرت ہی میں رکھا ضعف نے ادراک کو

پیکر خاکی کو اس عالم میں ہوش آیا تو کیا

muntashir zarron ko yakjai ka josh aya to kya

char din ke waste mitti ko hosh aya to kya

arzi hain mausam-e-gul ki ye sari mastiyan

lala gulshan mein agar saghar ba dosh aya to kya

daur-e-akhir bazm-e-duniya ka hai jam-e-khun-e-dil

taish is mahfil mein ban kar bada nosh aya to kya

had-e-hairat hi mein rakha zof ne idrak ko

paikar-e-khaki ko is alam mein hosh aya to kya