زباں ہے ناتوانی سے اگر بند

زباں ہے ناتوانی سے اگر بند

مرے دل پر نہیں معنی کے در بند

ہماری بے کسی کب تک چھپے گی

خدا پر تو نہیں راہ خبر بند

بہ یاد رنج یاران نظر بند

کیا ہم نے بھی اب ملنے کا در بند

دلوں میں درد ہی کی کچھ کمی ہے

نہیں ہے آہ پر راہ اثر بند

بت مشرق نہیں محتاج ساماں

کمر ہی جب نہیں کیسا کمر بند

کہوں گا مرثیہ اس غم میں ایسا

کھلے معنی دکھائے جس کا ہر بند

خیال چشم فتاں میں ہوا محو

مرا دل اب ہے سینے میں نظر بند

zaban hai natawani se agar band

mire dil par nahin maani ke dar band

hamari be kisi kab tak chhupegi

khuda par to nahin rah-e-khabar band

ba yad ranj-e-yaran-e-nazar band

kiya ham ne bhi ab milne ka dar band

dilon mein dard hi ki kuchh kami hai

nahin hai ah par rah-e-asar band

but-e-mashriq nahin mohtaj-e-saman

kamar hi jab nahin kaisa kamar band

kahunga marsiya is gham mein aisa

khule maani dikhae jis ka har band

khayal-e-chashm-e-fattan mein hua mahw

mira dil ab hai sine mein nazar band