دور گردوں میں کسی نے میری غم خواری نہ کی

دور گردوں میں کسی نے میری غم خواری نہ کی

دشمنوں نے دشمنی کی یار نے یاری نہ کی

حشر کا سودا ہوا ذوق جمال دوست میں

ہم نے بازار جہاں میں کچھ خریداری نہ کی

قہقہوں کی مشق سے میں نے نکالا اپنا کام

جب کسی نے قدر آہ و نالہ و زاری نہ کی

کوئے جاناں کا پتہ دے کر میں پہنچا خلد میں

مجھ سے کچھ رضواں نے بحث ناجی و ناری نہ کی

وقت سائے کا ابھی آیا نہیں مغرب ہے دور

کیوں پسند اس برق وش نے مشرقی ساری نہ کی

جامہ زیبوں کی نظر بھی دلق اکبرؔ پر پڑی

شان ہی کچھ اور تھی اس خرقہ پارینہ کی

daur-e-gardun mein kisi ne meri gham khwari na ki

dushmanon ne dushmani ki yar ne yari na ki

hashr ka sauda hua zauq-e-jamal-e-dost mein

ham ne bazar jahan mein kuchh kharidari na ki

qahqahon ki mashq se main ne nikala apna kam

jab kisi ne qadr ah-o-nala-o-zari na ki

ku-e-janan ka pata de kar main pahuncha khuld mein

mujh se kuchh rizwan ne bahs-e-naji-o-nari na ki

waqt sae ka abhi aya nahin maghrib hai dur

kyun pasand is barq wash ne mashriqi sari na ki

jama zebon ki nazar bhi dalq akbar par pari

shan hi kuchh aur thi is khirqa parina ki