یہ سوز داغ دل یہ شدت رنج و الم کب تک

یہ سوز داغ دل یہ شدت رنج و الم کب تک

ہمارے ہی لئے یہ جور گردوں ہے تو ہم کب تک

یہ دفتر ختم ہی ہوگا بھلا ہی دے گا دہر اس کو

یہ حس کب تک نظر کب تک زباں کب تک قلم کب تک

جو ہیں اہل بصیرت کہتے ہیں اکثر یہ اکبرؔ سے

غنیمت ہے ترا دم ہند میں لیکن یہ دم کب تک

ye soz-e-dagh-e-dil ye shiddat-e-ranj-o-alam kab tak

hamare hi liye ye jaur-e-gardun hai to ham kab tak

ye daftar khatm hi hoga bhala hi dega dahr us ko

ye his kab tak nazar kab tak zaban kab tak qalam kab tak

jo hain ahl-e-basirat kahte hain aksar ye akbar se

ghanimat hai tira dam hind mein lekin ye dam kab tak