جلوۂ ساقی و مے جان لئے لیتے ہیں

جلوۂ ساقی و مے جان لئے لیتے ہیں

شیخ جی ضبط کریں ہم تو پئے لیتے ہیں

دل میں یاد ان کی جو آتے ہوئے شرماتی ہے

درد اٹھتا ہے کہ ہم آڑ کئے لیتے ہیں

دور تہذیب میں پریوں کا ہوا دور نقاب

ہم بھی اب چاک گریباں کو سیے لیتے ہیں

خود کشی منع خوشی گم یہ قیامت ہے مگر

جینا ہی کتنا ہے اب خیر جئے لیتے ہیں

مدت وصل کو پروانے سے پوچھیں عشاق

وہ مزہ کیا ہے جو بے جان دئے لیتے ہیں

jalwa-e-saqi-o-mai jan liye lete hain

shaikh ji zabt karen ham to piye lete hain

dil mein yad un ki jo ate hue sharmati hai

dard uthta hai ke ham ar kiye lete hain

dur tahzib mein pariyon ka hua daur-e-naqab

ham bhi ab chak-e-gareban ko saye lete hain

khud kashi mana khushi gum ye qayamat hai magar

jina hi kitna hai ab khair jiye lete hain

muddat-e-wasl ko parwane se puchhen ushshaq

wo maza kya hai jo be jan diye lete hain