دل زخمی سے خوں اے ہم نشیں کچھ کم نہیں نکلا

دل زخمی سے خوں اے ہم نشیں کچھ کم نہیں نکلا

تڑپنا تھا مگر قسمت میں لکھا دم نہیں نکلا

ہمیشہ زخم دل پر زہر ہی چھڑکا خیالوں نے

کبھی ان ہمدموں کی جیب سے مرہم نہیں نکلا

ہمارا بھی کوئی ہم درد ہے اس وقت دنیا میں

پکارا ہر طرف منہ سے کسی کے ہم نہیں نکلا

تجسس کی نظر سے سیر فطرت کی جو اے اکبرؔ

کوئی ذرہ نہ تھا جس میں کہ اک عالم نہیں نکلا

dil-e-zakhmi se khun ai ham nashin kuchh kam nahin nikla

tarapna tha magar qismat mein likha dam nahin nikla

hamesha zakhm-e-dil par zahr hi chhirka khayalon ne

kabhi in hamdamon ki jeb se marham nahin nikla

hamara bhi koi ham dard hai is waqt duniya mein

pukara har taraf munh se kisi ke ham nahin nikla

tajassus ki nazar se sair fitrat ki jo ai akbar

koi zarra na tha jis mein ke ik alam nahin nikla