جینے میں یہ غفلت فطرت نے کیوں طبع بشر میں داخل کی

جینے میں یہ غفلت فطرت نے کیوں طبع بشر میں داخل کی

مرنے کی مصیبت جانوں پر کیوں قدرت حق نے نازل کی

کیوں طول امل میں الجھایا انسان نے اپنے دامن کو

کیوں زلف ہوس کے پھندے میں پھنستی ہے طبیعت غافل کی

کیوں ہجر کے صدمے ہوتے ہیں کیوں مردوں پہ زندے روتے ہیں

کیوں جنگ میں جانیں جاتی ہیں کیوں بڑھتی ہے ہمت قاتل کی

منطق کا تو دعویٰ ایک طرف طاقت کی یہ شوخی ایک طرف

کیا فرق ہے خیر و شر میں یہاں کیا جانچ ہے حق و باطل کی

jine mein ye ghaflat fitrat ne kyun tab-e-bashar mein dakhil ki

marne ki musibat janon par kyun qudrat haq ne nazil ki

kyun tul-e-amal mein uljhaya insan ne apne daman ko

kyun zulf hawas ke phande mein phansti hai tabiat ghafil ki

kyun hijr ke sadme hote hain kyun mardon pe zinde rote hain

kyun jang mein janen jati hain kyun barhti hai himmat qatil ki

mantiq ka to daawa ek taraf taqat ki ye shokhi ek taraf

kya farq hai khair-o-shar mein yahan kya janch hai haq-o-batil ki